Naghatag ug eulogy si Presidente Ferdinand Marcos Jr. para sa namatay nga Chief Presidential Legal Counsel nga si Juan Ponce Enrile atol sa necrological service nga gipahigayon sa Malacañang.
Sumala sa Presidente, ang labing importante nga butang nga gibilin ni Enrile mao ang kabilin sa dedikasyon, integridad, ug disiplina sa serbisyo, nga nagpabilin nga iyang giya gikan sa pagkabata hangtod sa pagka-Presidente.
Sumala pa sa pangulo nga ang pagkamatay ni Enrile usa ka dakong kawad-on sa nasud, tungod kay siya adunay kusog nga impluwensya sa balaod, lehislatura, ug gobyerno.
Gihulagway usab niya si Enrile isip usa ka estadista nga adunay hait nga hunahuna, usa ka kugihan nga trabahante, ug usa ka lig-on nga tigpanalipod sa nasud nga andam nga mosupak kung kini supak sa interes sa nasud.
Bisan sa iyang edad, ang Presidente miingon nga si Enrile nagpabilin nga hait ang hunahuna ug nagpadayon sa paghatag ug tambag sa iyang liderato.
Gipasalamatan sa Presidente si Enrile sa iyang taas nga serbisyo ug miingon nga siya magpabilin nga usa ka role model para sa sunod nga henerasyon sa mga alagad sa publiko.
Photo courtesy to: Inquirer.net
