Gihukman nga sad-an si kanhi Bamban, Tarlac Mayor Alice Guo sa Pasig Regional Trial Court Branch 167 kalabot sa kasong Qualified Trafficking in Persons.
Ang desisyon sa hukuman may kalabotan sa operasyon sa Philippine Offshore Gaming Operators (POGO) sa Bamban diin gatusan ka mga trabahante ang naluwas sa usa ka raid.
Gipahamtang sa korte ang silot nga reclusion perpetua, nga katumbas sa tibuok kinabuhi nga pagkabilanggo.
Si Guo nahimong sentro sa kontrobersiya human migawas ang mga alegasyon sa iyang kalambigitan sa mga Chinese national ug sa ilegal nga POGO hub.
Gawas sa trafficking, nahimo usab nga isyu ang iyang pagkatawo ug citizenship nga dugang nakapainteres sa publiko.
Ang desisyon sa korte giisip nga makasaysayanon batok sa usa ka lokal nga opisyal nga nalambigit sa mga krimen nga may kalabotan sa POGO.
Giisip usab kini nga usa ka kadaugan alang sa mga biktima sa human trafficking ug usa ka pasidaan sa mga opisyal nga posibleng malambigit sa ilegal nga operasyon.
Photo courtesy: Senate of the Philippines
