Nadag-an sa usa ka swertehong bettor gikan sa Southern Leyte ang jackpot prize nga Php81.8 milyon sa Lotto 6/42 draw niadtong Huwebes.
Sumala sa PCSO, ang winning combination mao ang 18-28-08-30-41-06, nga nagkantidad og Php81,810,102, subject sa 20% tax ilawom sa TRAIN Law. Ang winner adunay usa ka tuig aron i-claim ang premyo sa PCSO main office sa Mandaluyong City.
Gawas sa jackpot winner, 59 ka bettors nakadaog og Php24,000 matag usa (5 out of 6 digits); 2,956 ang makadawat og Php800 (4 digits); ug 44,250 ka players ang makakuha og Php20 (3 digits).
Ang Lotto 6/42 ginadraw matag Martes, Huwebes, ug Sabado. Giawhag ni PCSO General Manager Melquiades Robles ang publiko nga suportahan ang gaming products sa PCSO aron mapadayon ang pag-generate og pondo para sa medical services, health initiatives, ug lain pang national charities.
SOURCE: PNA
