Mitaliwan na sa edad nga 101 si kanhi Senate President Juan Ponce Enrile kun asa gikumpirma kini sa iyang anak nga si Katrina Ponce Enrile adlawng Huwebes ning tuiga.
Kahibaluan ng ana-confine kini sulod sa ICU ug nakigbatok sa sakit nga pneumonia. Kahinumduman nga usa siya sa labing dugay nga nagserbisyo nga miyembro sa gobyerno sa Pilipinas, nga adunay karera nga mukabat sa kapin sa pito ka dekada sa serbisyo publiko.
Nailhan si Enrile isip prominenteng legal ug political f igure nga kabahin sa makasaysayanong kapanahonan sa nasod, gikan sa Martial Law sa panahon ni kanhi Presidente Ferdinand E. Marcos Sr., hangtod sa EDSA People Power Revolution niadtong 1986 diin siya mitiwalag sa Marcos.
Nagserbisyo siya isip kalihim sa Department of Justice, Department of National Defense, ug senador sa makadaghang higayon. Sa 2008, napili siya nga Senate President ug nagserbisyo hangtod sa 2013.
Bisan pa sa iyang edad, nagpabilin siyang aktibo sa politika ug katapusang nagsilbi isip Chief Presidential Legal Counsel sa administrasyon ni Bongbong Marcos.
Photo courtesy to:Inquirer.net
