Mapasigarbuhon nga nakadawat sa Seal of Child-Friendly Local Governance (SCFLG) ang Munisipyo sa Maasim, Sarangani Province atol sa Pasidungog, Ang 2025 Awarding Ceremony gipasiugdahan sa Department of the Interior and Local Government (DILG) Region XII.
Diin ang pag-ila gipahigayon sa Koronadal City ug gipasidunggan ang mga local government units nga malampusong nakapasar sa 2023 Child-Friendly Local Governance Audit (CFLGA).
Mipadayag sa iyang kinasingkasing nga pasalamat ang alkalde sa Maasim ngadto sa mga dedikado nga kalalakin an ug kababayen-an sa LGU Maasim sa ilang dili matarug nga pasalig ug kakugi nga misangpot niini nga kalampusan.
Gihatagan niya og gibug-aton nga ang award nagsilbi nga usa ka salamin sa padayon nga mga paningkamot sa Maasim ngadto sa transparent, inclusive, ug child centered nga pagdumala.
Photo Courtesy to:Maasim Information office
