Gihatagan og pinansyal nga tabang ang 78 ka mga kanhing rebelde o Friends Rescued sa Surigao del Sur Provincial Government atol sa Provincial Awarding of Immediate Cash Assistance nga gipahigayon sa Provincial Capitol sa Tandag City.
Mokabat sa ₱780,000 ang gigahin sa cash assistance, diin ang matag usa nakadawat og tag-₱10,000 samtang naghulat sa ilang E-CLIP benefits ug amnestiya.
Gipangulohan ang kalihokan ni Gobernador Johnny Pimentel, kauban ang PSWDO ug DILG, ug uban ni LTC Joselito Ante Jr. sa 36th Infantry “Valor” Battalion.
Matod ni Gobernador Pimentel, ang pagbalik sa sabakan sa gobyerno sa mga kanhing rebelde usa ka dakong lakang padulong sa kalinaw ug kauswagan sa probinsya.
PHOTO COURTESY: 36th Infantry ”VALOR” Battalion, Philippine Army
