Nakadaog ang Filipino-British nga atleta nga si Hannah White og 10 ka bulawan ug duha ka silver medals sa 2025 FOBISIA Games nga gipahigayon sa Patana School, Thailand.
Miapil si White sa upat ka sports: athletics, swimming, football, ug basketball. Sa swimming, nakadaog siya og lima ka gold medals, lakip ang tulo sa indibidwal nga events. Sa athletics, maayo usab ang iyang performance, nakadaog og upat ka gold medals sa 1,500m run, 200m dash, high jump, ug long jump. Dugang pa, nakadaog siya og duha ka silver medals sa javelin throw ug 4x100m relay.
Napasalamat si White kang Mr. Andy Smith, Sports Director sa ABC International School, sa iyang paggiya ug suporta atol sa upat ka adlaw nga kompetisyon, lakip ang suporta sa iyang pamilya.
Si Hannah White mao ang manghod ni Heather White, miyembro sa national swimming team kauban si Micaela Jasmine Mojdeh. Sila Heather ug Mojdeh magtigi sa 2025 Southeast Asian Games nga ipahigayon sunod buwan sa Bangkok, Thailand, diin ang duha nagtinguha nga makadaog og medalya.
via: Hannah White
