Makapahimulos ang mga residente sa Barangay Zone I, Digos City sa libre nga house-to-house anti-rabies vaccination nga ipahigayon sa Office of the City Veterinarian (OCVET) karong Nobyembre 13 ug 14, 2025.
Ang kalihokan kabahin sa padayong kampanya sa City Government of Digos aron mapugngan ang rabies ug maprotektahan ang kahimsog sa mga lumulupyo ug ilang mga binuhing hayop.
Gipahimangnoan sa OCVET nga kini nga serbisyo eksklusibo lamang para sa mga residente sa Barangay Zone I. Giklaro usab nga ang dugang nga iskedyul para sa ubang mga barangay ipahibalo sa mosunod nga mga adlaw.
Alang sa dugang kasayuran, giaghat ang katawhan nga mobisita sa City Veterinarian’s Office nga nahimutang sa Corner Lim-Magsaysay St., Zone III, Digos City.
SOURCE: CITY GOVERNMENT OF DIGOS
