Gitay-og sa magnitude 4.7 nga linog ang Pangasinan niadtong Biyernes, Nobyembre 7, 2025, bandang 1:23 sa hapon.
Sumala sa Earthquake Information No. 1 sa Philippine Institute of Volcanology and Seismology (PHIVOLCS), ang sentro sa linog nahimutang 4 kilometro sa habagatan-kasadpan sa Dasol, Pangasinan, nga adunay giladmon nga 10 kilometro.
Base sa instrumental intensities, narehistro ang mga mosunod nga epekto: Intensity IV sa Bani, Pangasinan, Intensity II sa Dagupan City ug Lingayen, Pangasinan, Intensity I sa Bolinao, Pangasinan ug Iba, Zambales.
Wala pa’y nataho nga kadaut o samad sa insidente, apan nagpadayon ang monitoring sa mga awtoridad aron masiguro ang kaluwasan sa publiko. Gipasidan-an ang mga residente sa apektadong lugar nga magmatngon sa posibleng aftershocks.
Photo courtesy to: Philstar.com
