Gibasol sa Malacañang ang sunod-sunod nga mga kalamidad sa pagsaka sa gidaghanon sa mga pamilyang Pilipino nga nakasinati og kagutom sa ikatulong kwarter sa 2025.
Base sa pinakabag-o nga survey sa Social Weather Stations (SWS), ang gidaghanon sa mga pamilya nga nakasinati og dili tinuyo nga kagutom o kawalay kasegurohan sa pagkaon sulod sa tulo ka bulan misaka ngadto sa 22%, misaka og 5.9% gikan sa 16.1% nga natala niadtong Hunyo 2025.
Sumala ni Palace Press Officer Claire Castro, nakita sa administrasyon ang pagsaka sa lebel sa kagutom, labi na sa mga rehiyon nga grabeng naapektuhan sa mga kalamidad, tungod sa sunod-sunod nga mga bagyo, baha, ug linog.
Bisan pa niini, gipasalig sa Palasyo nga ang gobyerno magpadayon sa pagtrabaho aron makunhuran ang kagutom ug kakabus, ug gigamit ang mga resulta sa survey isip basehan sa pagpalig-on sa mga programa sa panginabuhi ug seguridad sa pagkaon.
Matod niya nga ang prayoridad sa administrasyon, nagpabilin nga ang paspas nga rehabilitasyon ug tabang sa mga pamilya nga naapektuhan sa mga katalagman aron mapugngan ang padayon nga pagsaka sa mga insidente sa kagutom sa nasud.
Photo Courtesy to:Philstar.com
