Usa ka trabahante ang namatay human natanggong sulod sa Torre dei Conti sa Roma sa panahon sa medieval human nahugno ang usa ka bahin sa istruktura kagahapon.
Giila sa mga awtoridad ang biktima nga si Octav Stroici, 66, kinsa gikuha gikan sa nahugno bilding mga usa ka oras human sa insidente. Gidala siya sa ospital sakay sa ambulansya, apan gideklarar nga patay na sa pag-abot human nawad-an sa iyang ginhawa atol sa biyahe.
Tulo pa ka mga trabahante, lakip ang usa pa ka Romanian national, ang malampusong naluwas gikan sa nahugno nga bahin sa bilding.
Sumala sa mga taho, nahitabo ang ikaduhang pagkahugno atol sa operasyon sa pagluwas, hinungdan nga temporaryong gihunong ang operasyon alang sa kaluwasan sa mga rescuer.
Nagpadayon ang imbestigasyon nga gilunsad sa Rome Prosecutor’s Office aron mahibal-an ang hinungdan sa pagkahugno, lakip ang posible nga mga kakulangan sa kaluwasan ug istruktura sa bilding.
Ang Torre dei Conti, nga gitukod niadtong ika-13 nga siglo, usa sa mga makasaysayanong tore sa Roma ug nailhan nga usa sa mga salin sa arkitektura sa panahon sa medieval sa lungsod.
via: THE GUARDIAN
