Gikompirma sa Games and Amusements Board (GAB), nga nakadawat sila og reklamo kalabot sa away ni John Riel Casimero. Matod ni GAB Chairman Richard Clarin, ang inisyal nga pagtuki nagpakita nga si Casimero agresibong nakig-away ug walay timailhan nga mapildi.
Hinuon, padayon pa ang imbestigasyon sa posibilidad sa game-fixing sa maong away. Gipasabot ni Clarin, nga kung mapamatud-an ang panagkunsabo, mahimong ma-revoke ang lisensya sa boksidor.
Giingong estrikto ang GAB kung hisgutan ang mga kaso, nga naglambigit sa integridad sa dula. Nailhan sa iyang kaisog sa ring si Casimero nga kanhing world champion.
Nanawagan ang GAB sa publiko, nga hulaton ang opisyal nga resulta sa imbestigasyon ug dili magpakaylap og espekulasyon. Gipaabot pa ang habig sa Filipino boxer labot sa nahisgutang isyu.
Photo Courtesy to:GAB
