Aprobado na sa gobyerno sa Japan ang usa ka ordinansa aron ipatuman ang giusab nga Civil Code, nga naglakip sa pagpaila sa usa ka bag-ong joint child custody system.
Ang maong ordinansa, usa ka sistema sa statutory child support diin kung ang mga ginikanan magdiborsyo kinahanglan nga aduna gihapon silay suporta alang sa ilang mga anak. Ang joint custody system magkinahanglan ug pagtugot sa mga ginikanan sa importante nga mga desisyon mahitungod sa ilang mga anak, sama na lang sa enrollment o relokasyon.
Tumong sa bag-ong mga sistema aron mapalig-on ang panginabuhi sa mga bata pagkahuman sa diborsyo sa ilang mga ginikanan. Kalabot niini, ang mga ginikanan adunay kapilian sa joint o sole custody, kung sila mapakyas sa sabot ang korte na ang magdesisyon.
Ang maong ordinansa gitawag nga usa ka statutory nga bayad sa suporta sa bata nga mukabat sa 20,000 yen o PHP7,622 pesos matag bulan. Gani karung umaabot nga Abril 1, 2026 ang gobyerno sa Japan magpaila sa usa ka pamaagi kung ang magtiayon nga magdiborsyo ug mag-uban gihapon kauban ang ilang mga anak mahatagan ug katungod sa pag-ilog sa priority basis sa mga kabtangan sa ilang kanhing asawa nga pakyas sa pagbayad sa mga galastuhan sa pagpadako sa bata nga muabot sa 80,000 yen o PHP30,490 pesos kada bulan sa matag bata.
Ang statutory child support, nagpasabot isip standard expenses nga gikinahanglan aron mamentinar ang minimum nga lebel sa panginabuhi sa usa ka bata ug mahimo gihapon nga ma-claim bisan paman kung walay kasabutan sa diborsyo sa mga ginikanan.
Photo Courtesy to: The Japan Times
