Usa ka kataw-anan pero katingalahang istorya gikan sa Japan ang nagpakita og leksyon sa daghang magtiayon.
Sulod sa kapin 20 ka tuig, ang bana nga si Otou Katayama nagpuyo sa hilom uban sa iyang asawa nga si Yumi nga wala sila magstorya bisan usa ka pulong bisan pa nga nagkauban sila matag-adlaw ug nag-atiman sa ilang tulo ka anak.
Ang hinungdan? Kasina. Nasina si Otou kay iyang gibati nga mas gihatagan og atensyon ni Yumi ang ilang mga anak kaysa kaniya.
Human sa duha ka dekada nga kalisod ug kahilom, ilang mga anak nangayo og tabang sa usa ka TV show aron magkasinabtanay pag-usab ang ilang ginikanan. Sa park nga mao ilang unang date, miangkon si Otou sa iyang sayop, mipasaylo, ug mipasalamat sa iyang asawa sa dugay niyang pagpailob.
Kini nga panghitabo nagpahinumdum sa tanan nga ang komunikasyon mao ang yawi sa lig-on nga relasyon, ug nga ang sobra nga pagpangluod, dili gyud maayo.
Photo Courtesy to:Bright Side
