Wala na gipaporma pa sa Golden State Warriors ang Memphis Grizzlies human niini gidomina ang dula niadtong Lunes sa gabii Oktubre 27, 2025 sa iskor nga 131-118.
Mitala si Jonathan Kuminga ug 25 puntos, 10 ka rebounds ug upat ka assists, samtang si Brandin Podziemski usab midugang og 23 puntos ug unom ka assists. Samtang si Jimmy Butler ug Moses Moody miiskor og 20 puntos matag usa samtang nidugang og 16 si Stephen Curry sa balanseng ataki sa Golden State ug miiskor usab si Moody ug 12 puntos.
Si Draymond Green usab nakahatag og 10 ka assists sa wala pa ma-foul out sa nahabiling 7:32 minutos sa kwarter. Gani, siya nakadawat ug flagrant 1 foul sa nahabiling 3:48 minutos sa ikatulong kuwarter.
Sa laing bahin, si Aldama sa Memphis mitala og 14 puntos, unom ka rebounds ug upat ka assists. Samtang si Ja Morant adunay 23 puntos ug siyam ka assists ug si Jock Landale adunay 17 puntos ug unom ka rebounds.
Gani, giplano ug maayu ni coach Steve Kerr ang dula alang sa iyang team ug alang sa kadaugan. Si Al Horford kinsa ang bag-ong Warriors bigman gipahunong usa sa unang dula tungod sa nakaangkon niini nga injury.
Sa pikas bahin, pito na ka sunodsunod nga dula nga gipildi ang Memphis sa Warriors sa kaugalingong home niini.
Photo Courtesy to:FreeDawkins/Youtube
