Dili moubos sa 64 ka tawo ang namatay, lakip ang upat ka pulis, sa usa ka dakong operasyon batok sa kriminal nga organisasyon nga Comando Vermelho (Red Command) sa Rio de Janeiro, Brazil.
Sumala sa mga opisyal sa pulisya, ang mga kamatayon nahitabo human ang mga suspek miapil sa kusog nga armadong pagsukol atol sa koordinado nga mga pag-atake sa daghang mga komunidad sa siyudad.
Ang operasyon, nga gihimo sa kapin sa 2,500 ka militar ug sibilyan nga mga pwersa sa pulisya, usa ka tuig nga gipangandaman, ug nagtumong sa pagbungkag sa mga kuta sa Comando Vermelho.
Kini nga grupo giisip nga labing karaan ug gamhanan sa Brazil, nailhan sa pagpamaligya og droga, armadong pagpanulis, ug kapintasan sa teritoryo sa mga favela sa Rio.
Gawas sa mga namatay, 81 ka suspek ang nadakpan, samtang ang mga pulis nakakuha og daghang armas ug bala. Gi-report usab sa mga opisyal nga ang mga miyembro sa gang migamit og mga drone aron monitor ug atakehon ang mga pwersa sa seguridad atol sa komprontasyon.
via: BLOOMBERG
