Gitugotan na sa Israeli authorities ang Egypt ug ang International Committee of the Red Cross (ICRC) nga mosalmot sa pagpangita sa mga patay’ng lawas sa mga nakabsang bihag atol sa October 7, nga pag-ataki sa Gaza.
Sumala sa pamahayag sa gobyerno sa Israel, gitugotan ang mga grupo nga maghimo ug search operation sa lagpas sa gitawag nga yellow line usa ka marka nga utlanan sa amihanang-habagatan, ug sidlakan nga bahin sa Gaza, diin gikuha na ang mga tropa sa Israel, isip kabahin sa unang hugna sa kasabutan sa ceasefire.
Gigamit karon sa mga search team ang mga excavator ug truck aron mapadali ang pagpangita sa mga patayng lawas sa mga bihag.
Samtang, nakumpirma usab nga gitugotan sa Israeli forces ang pipila ka miyembro sa Hamas nga mosulod sa ilang kontroladong lugar sa Gaza aron motabang sa operasyon uban sa International Red Cross teams.
Sa pagkakaron, 15 sa 28 ka patayng lawas sa mga Israeli hostages ang nabalik na, ubos sa unang bahin sa ceasefire deal.
Photo Courtesy to:ICRC/AFP
