Mipirma ang CODESPA Foundation Philippines ug ang Lokal nga Pangagamhanan sa Hinatuan alang sa IMPACT Project o Integrated Model of Circular Economy, Public Management, and Environmental Efficiency of Mariculture.
Gitumong sa duha ka tuig nga proyekto, nga gipondohan sa Spanish Agency for International Development Cooperation (AECID), ang pagpalambo sa panginabuhian sa mga seaweed farmers, paglig-on sa climate change adaptation, ug pagpanalipod sa marine resources sa lungsod sa Hinatuan, Surigao del Sur.
Gipasabot sa CODESPA nga kini usa ka international NGO nga nagtinguha sa pagmugna og oportunidad sa ekonomiya alang sa mga kabus pinaagi sa entrepreneurship, market access, ug financial inclusion.
Mitambong sa MOA signing si Ms. Margaret Luz Navarro, Country Manager sa CODESPA Philippines, ug si Ms. Maria Elena R. Ravelo, Municipal Agriculturist sa LGU Hinatuan.
PHOTO COURTESY TO: HINATUAN LGU
