Padayong gimonitor karon sa DOST-PAGASA, ang usa ka Low Pressure Area (LPA) nga naghatag og dakong pag-ulan sa Davao Region ug sa ubang bahin sa Mindanao kagahapong adlawa, ug kasatangang anaa na kini karon sa gilay-ong 260km East Southeast of Puerto Prinsesa, ug aduna kini gamay nga tyansang mahimong bagyo sulod sa 24 oras.
Apan ang probinysa sa Davao del Norte makasinati og mga psoibleng pag-ulan gumikan sa Intertropical Convergence Zone (ITCZ).
Sumala sa ulahing datos nga gipagawas sa PDRRMO Davao del Norte, normal pa ang lebel sa tubig sa Menzi Bridge-Santo Tomas, Magupising Bridge-Tagum River, Pagsabangan Bridge, Libuganon River ug Saug Dam.
Samtang ang kahimtang sa kadagatan anaa sa 0.6 hangtod 2.1 meters ang pagbalod. Kabahin sa klima, natala ang minimum temperature nga 24.8°C alas 6:30 sa buntag ug maximum nga 31.6°C alas 11:00 sa buntag. Ang adlaw usab musubang alas 5:50 sa buntag ug mosalop kini alas 5:30 sa hapon.
Photo Courtesy: DOST-PAGASA
