Naigo sa kusog nga 5.8 magnitude nga linog ang sidlakang bahin sa Hokkaido, Japan niadtong Sabado, Oktubre 25, 2025. Base sa Japan Meteorological Agency (JMA), nahitabo ang linog 1:40 sa kadlawon ug adunay kalawmon nga 40 kilometros.
Ang epicenter niini nahimutang sa habagatan-sidlakang baybayon sa Nemuro Peninsula sa Hokkaido. Gipasabot sa ahensya nga nahitabo ang pag-uyog tungod sa pagbangga sa duha ka tectonic plates sa maong dapit.
Kini na ang ikalimang pinakataas nga lebel sa seismic intensity scale sa Japan nga narehistro sa siyudad sa Nemuro. Gipahibalo usab sa JMA nga gipaubos gikan sa inisyal nga 5.9 magnitude ang kusog sa linog human sa pinal nga pagtansya.
Giawhag sa mga opisyal ang mga residente sa apektadong lugar nga mangandam sa posible nga mga aftershock nga mahimong mokabat ug ubos sa 5.0 magnitude sulod sa usa ka semana. Wala usab gibutyag ang ahensya nga dunay hulga sa tsunami human sa maong kusog nga pag tay-og.
Photo Courtesy to:Volcano Discovery
