Kapin 61 milyones ka tonelada sa mga debris ang nagtabon karon sa Gaza Strip human sa sobra 2 ka tuig nga giyera tali sa Israel ug Gaza, sumala sa UN Relief and Works Agency (UNRWA).
Bisan pa sa nagpadayon nga pagbabag sa Israel ug kakulang sa pag-allow sa humanitarian aid, nagpadayon gihapon ang misyon sa UNRWA sa paghatag og tabang ug pagluwas sa kinabuhi sa mga Palestinian didto sa Gaza.
Sumala ni UNRWA Commissioner-General Philippe Lazzarini, aduna sila’y tambal, essential supplies, ug igo nga pagkaon nga mokabat sa tulo ka bulan para sa tanan nga residente sa Gaza.
Kahinumdoman nga niadtong Oktubre 2024, ang Knesset o parliamento sa Israel mibotar sa pagbabag sa operasyon sa UNRWA sa Gaza ug West Bank, tungod sa alegasyong tulay sa pipila ka kawani sa Hamas atol sa pag-atake niadtong Oktubre 7, 2023.
Apan, niadtong Miyerkules, gisalikway sa International Court of Justice (ICJ) ang alegasyon sa Israel, nga nag-ingon nga wala kini makapresentar og ebidensya nga nagpamatuod nga daghang kawani sa UNRWA sakop sa Hamas o nalambigit sa maong pag-atake.
Photo Courtesy to:Yeni Safak
