Nagpadala ug relief team ug mobile kitchen ang Provincial Disaster Risk Reduction and Management Office kon PDRRMO–South Cotabato aron mutabang sa mga residente nga nabahaan sa Barangay Cacub, Koronadal City kaniadtong miyerkules sa gabei.
Matod sa PDRRMO Operations and Warning Division, mokabat sa 25 ka pamilya ang naapektuhan sa pagbaha nunot sa pagbunok sa ulan. Diin ang team nang apod-apod ug food packs, hygiene kits, ug sleeping kits, samtang ang Mobile Kitchen nanghatag ug init nga pagkaon sa mga bakwit nga temporaryong nagpuyo sa evacuation center.
Base sa direktiba sa Gobernador sa South Cotabato, gipasalig ni PDRRMO head Rolly Doane Aquino nga matubag dayon ang mga panginahanglan sa mga apektadong residente. Tumong sa kagamhanang probinsyal nga ipakita ang paspas nga pagtubag niini alang sa mga biktima sa kalamidad.
Photo courtesy to:PDRRMO–South Cotabato
