Gitangtang sa Philippine Army gikan sa Armed Forces of the Philippines (AFP) Reserve Force si Cavite 4th District Representative Francisco “Kiko” Barzaga Jr.
Matod ni Col. Louie Dema-ala ang tigpamaba sa Philippine Army nga kagahapong adlawa Oktubre 22, kompirmadong gitangtang sa AFP si Barzaga nga miepekto niadtong Septembre 21, 2025.
Kahibaloan nga ang lakang gihimo subay sa Articles 177 ug 179 sa Revised Penal Code, nga nagdili sa usurpation of authority ug sa illegal nga paggamit sa uniporme ug insignias.
Gani, gidid-an si Barzaga nga magsul-ob ug uniporme sa militar tungod nawad-an na kini ug katungod o pribilehiyo isip reservist.
Dugang pa ni Dema-ala nga gidid-an usab si Barzaga nga malakip sa regular o reserbang ranggo sa AFP sa umaabot.
Photo courtesy to:Politiko
