Mokabat sa 46 ka tawo ang namatay human sa panagbangga sa sakyanan sa Uganda. Base sa inisyal nga imbestigasyon nga dungan nga nag-overtake ang duha ka bus sa Kampala-Gulu Highway hangtod ilang nasugatan ang truck ug kotse.
Gisulayan pa sa bus ang paglikay sa kasugat apan nagkabangga gihapon sila kung diin usa sa mga bus ang mibaliktad. Gidala usab sa tambalanan ang pipila ka pasahero nga nakaangkon og mga samad sa ilang kalawasan.
Nagpaabot usab sa pahasubo si Uganda President Yoweri Museveni diin hatagan niini ang kabanay sa biktima og tag-$1,430 isip tabang. Gimando usab sa presidente ang hugot nga imbestigasyon sa insidente.
Photo courtesy: Al Jazeera
