Gipaninguha sa Mindanao Development Authority (MinDa) nga makab-ot ang mga target karong tuig 2027 nga molambo ug mahimong investment hub ang Mindanao.
Gibutyag pa ni MinDa Sec. Leo Tereso Magno nga makuha kini nga goal sa MinDa kung magkahiusa ang mga stakeholders, partners ug mga opisyales sa LGU ug national government. Gitinguha matod pa niini nga mahimong climate resilient ang Mindanao pinaagi sa lig-on ug masaligan nga imprastratkura.
Mahinumdoman nga pormal na nga gibuksan sa Mindanao Development Authority ang 2nd Mindanao Infrastructure Summit sa Xavier Estates kung asa nag tapok ang mga opisyales, stakeholders ug mga key figures sa gobyerno.
