Gimando ni Department of Public Works and Highways (DPWH) Secretary Vince Dizon nga dali’ng butangan sa ahensya ang halos 2,000 nga bakanteng posisyon sa tibuok nasud aron mapapaspas ang serbisyong imprastruktura.
Ang mando nagsunod sa direktiba ni pangulong Ferdinand Bongbong Marcos Jr., nga hatagan og higayon ang mga staff-level ug mga job order nga mga empleyado nga mousbaw ang ilang propesyon. Gisulti ni Secretary Dizon, nga hatagan og prayoridad ang mga trabahanteng anaa sa DPWH bisan ang mga job order employees.
Samtang gianunsyo ni Dizon ang pagbalik sa DPWH Cadet Engineering Program, nga gitawag ni kanhing Secretary Rogelio Singson niadtong tuig 2013. Pagpasabot sa kalihim, nga dakong butang ang pagbalik sa maong programa aron agnihon ang mga bata ug bag-ong migradwar nga engineers nga motabang sa pag-ayo sa mga imprastruktura sa tibuok nasud.
Photo courtesy to: Philippine Resources Journal
