Nadakpan sa mga personahe sa Carmen Municipal Police Station ang usa ka gikonsedirang Most Wanted Person sa kasong pagpanglugos, alas-7:10 sa gabie, niadtong nakalabay nga adlaw sa Prk. 1-A, Brgy. Asuncion, Carmen Davao del Norte, sa gikasang Manhunt Charlie Operation sa nasangpit nga estasyon.
Giila ang suspetsado nga si alyas Rey, 45 anyos, single, mag-uuma ug residente sa nahisgutang lugar.
Pinasikad sa gipagawas nga warrant of arrest nga giisyu ni Hon. Minerva Paqueo Pepino-Estremos, Presiding Judge sa Family Court, 11th Judicial Region, Branch 3, Panabo City Davao del Norte, pinitsahan niadtong Oktubre 9, 2025 alang sa upat (4) ka ihap sa krimen nga Qualified Rape of a minor kon pagpanglugos, nga naka doket ubos sa criminal case numbers nga walay girekomendang piyansa alang sa iyang temporaryong kagawasan.
Sa pagkakaron, ang suspetsado anaa na sa kustodiya sa nasangpit nga estasyon alang sa tukmang lakang.
Photo for illustration courtesy to: Vatican news
