Gipahimangnoan ni Senator Alan Peter Cayetano si Senator Panfilo Lacson nga dili kinahanglan ilambigit ang minority bloc sa isyu nga matod pa, klarong “family matter” sulod sa majority.
Matod ni Cayetano, ang pagbiya ni Lacson sa Blue Ribbon Committee dili gikan sa desisyon sa minority, kondili resulta sa ilang kaugalingong panagbangi sa majority.
Gipasabot pa ni Cayetano nga sa dihang gihatag kang Senator Marcoleta ang chairmanship, klaro ang tuyo ang pagpahigayon og imbestigasyon nga gawas sa politika ug magpokus sa tinuod nga mga sad-an sa korapsyon.
Dugang pa niya, bisan kaniadto adunay senado coup, ang ilang grupo nagpabilin nga kalmado ug respetado sa institusyon. Gipatimaan ni Cayetano nga ang Blue Ribbon Committee dili bahin sa personalidad, kondili serbisyo alang sa katawhan ug pagpanalipod sa dignidad sa Senado.
Photo Courtesy To:Politiko
