Gipahibalo ni Ombudsman Jesus Crispin “Boying” Remulla nga mahimong gamiton nga giya sa ilang pag-imbestigar ang report sa House Committee on Good Government kalabot sa paggamit sa confidential funds ni Vice President Sara Duterte.
Matod ni Remulla, makatabang kini aron masusi og sakto ang mga isyu nga nalambigit sa Php625-M nga pondo.
Niadtong Lunes, personal nga mitugyan og sulat ang grupo nga Tindig Pilipinas aron pangayuon ang padayong imbestigasyon batok sa Bise Presidente, samtang pending pa ang kaso sa impeachment sa Korte Suprema.
Giingon ni Remulla nga wala pa niya nabasa ang maong sulat, apan nagpasalig siya nga molihok ang iyang opisina pinaagi sa fact-finding investigation.
Sumala sa House panel, adunay mga iregularidad sa liquidation sa confidential fund sama sa sayop nga petsa, dili mabasang pirma, ug mga signatory nga walay birth records.
Photo Courtesy to:Business Mirror
Source: GMA News Online
