Pito ka mga South Korean nationals ang gidakop sa mga otoridad human ma-aktuhan nga nagpadayon sa pagpalusot sa ilegal nga offshore gaming operations sa usa ka condominium unit sa Clark Freeport Zone Angeles City, Pampanga.
Matod sa Bureau of Immigration, ang pagdakop sa mga langyaw gihimo sa pakigtambayayong sa mga otoridad sa South Korea, Philippine Air Force, ug Clark Development Corporation.
Sa usa ka pahayag, gidayeg ni BI commissioner Joel Anthony Viado ang pagdakop ug gisaad nga padayunon nila ang hugot nga operasyon batok sa illegal offshore gaming operations nga gikalambigitan sa mga langyaw.
Gisaysay ni Biado, klaro ang direktiba sa Presidente nga walay tugutang mga foreign nationals nga magpadayon sa online gaming activities sa Pilipinas. Ang tanan nga musupak nga langyaw ug magpadayon sa illegal nga buhat dakpon ug pahamtangan ug silot nga pagkabilanggo.
Photo courtesy to:inquirer.net
