Gibastos sa usa ka tricycle driver ang usa ka miyembro sa LGBT, gabii niadtong adlawng Biyernes Oktubre 17, 2025. Sa pakighinabi sa Juander Radyo kang Jhyd Bacaro, gisaysay niini ang nahitabo sa iyang pagsakay sa tricycle gikan sa Midsayap paingon sa Libungan, North Cotabato.
Sumala pa ni Bacaro, upat sila niadtong higayona ang sakay sa tricycle apan pag-abot sa Barangay Villarica, Midsayap, ninaog na ang duha ka indibidwal ug didto na nga nisugod ang driver sa pag-appreciate matod pa sa kagwapa niini.
Dugang pa, pag-abot sa Libungan ninaog na usab ang laing usa ka pasahero ug didto na nga nakasinati og kakulba ug kasuko si Bacaro human nibuhi na og mga malisyosong sinultihan ang tricycle driver kaniya, hinungdan nga imbes moagi sa mas doul nga dalan ang driver, gituyok pa niini si Bacaro sa laing kanto sa lugar ug gisultihan niini si Bacaro nga gunitan ang iyang pribadong parte sa lawas.
Subay niini, nihimo og aksyon si Bacaro batok sa maong driver kung asa iya kining gi-report sa kapulisan aron kini maaksyonan ug dili na usab makabiktima pa sa ubang pasahero. Nasubay na usab og nakuha na ang body number sa maong tricycle og gihulat na lamang ni Bacaro nga mag-atubang sila sa Barangay.
Planong pasakaan og kaso ni Bacaro ang maong driver, aron usab makaamgo kini sa iyang dili maayong pamatasan.
Photo courtesy to:Jhyd Bacaro
