Padayon karon ang gihimong imbestigasyon sa kapulisan human sa kalit nga pagkamatay sa founder sa Mango clothing empire sa Spain ug gikatahong ang anak niini nga lalaki ang gitudlong suspek sa kremin.
Gani, ang mga otoridad mibalhin na sa ilang imbestigasyon nga gikan sa aksidente ngadto sa usa ka posible nga pagpatay nga nakasentro sa anak sa biktima nga si Jonathan Andic.
Ang biktima naila nga si Isak Andic, 71 anyos, kinsa nagtukod ug pinakadako nga grupo sa fashion sa Europe nga adunay dul-an 2,800 ka mga tindahan sa tibuuk kalibutan.
Matod pa ni El Pais nga sa unang pag-imbestiga sa mga otoridad gituohang nahulog lang ang biktima samtang nagbaktas sa bukid, apan niadtong taknaa walay laing kuyog ang biktima kundili ang iyang anak.
Sa karun mas ginapalawman pa sa mga kapulisan ang imbestigasyon kabahin sa kalit nga pagkamatay ni Isak Andic.
Photo Courtesy to: The strait times
