Gipasigarbo sa Philippine National Police (PNP) ang pagkunhod sa mga krimen nga nahitabo sa nasud. Gikan niadtong Enero 1 hangtod Oktubre 9, 2025, adunay 27,306 ka focus crimes nga natala.
Nagpasabot kini og 14 porsyento nga pagkunhod kung itandi sa tuig 2024. Sumala pa ni PNP spokesperson Police Brigadier General Randulf Tuaño, nga niadtong 2024 adunay 31,878 ka focus crimes nga natala.
Ang focus crimes gilangkuban sa carnapping, pagpangawat sa motorsiklo, robbery, rape, theft, murder, homicide ug physical injury.
Ang kaso sa paglugos maoy pinakadakong pagkunhod nga niabot og 22 porsyento, gisundan sa pagpangawat nga adunay 17.35 porsyento.
Samtang walay narecord ang PNP nga mga insidente sa pagpanglupig human sa mga linog sa Cebu ug Davao Oriental.
Photo courtesy to: instagram.com
