Wala mosulod sa kalase ang ubay-ubay nga mga estudyante gikan sa nagkalain-laing unibersidad ug kolehiyo sa Metro Manila kagahapong adlawa, Oktubre 17, isip pagprotesta batok sa korapsyon sa gobyerno.
Nagsugod ang kilos-protesta sa University of the Philippines Diliman diin nagpundok ang mga estudyante ug magtutudlo sa Quezon Hall sa wala pa sila nagmartsa paingon sa Mendiola.
Nisalmot usab ang mga estudyante gikan sa University of Santo Tomas, Far Eastern University, University of the East, ug uban pang mga tunghaan sa “U-Belt area.”
Ang protesta nagsunod sa mga isyu bahin sa alegasyon sa anomalya sa mga flood control projects sa nasud. Kahinumduman nga kaniadtong Setyembre 21, gihimo ang labing dako nga anti-corruption protest kalabot sa nagapadayong isyu ug lauman ang musunod pa nga mga lihok protesta.
Photo courtesy: Kodao Productions
