Pinakadakong hagit sa pagsulbad sa basura ang pag-usab sa batasan sa katawhan, kini ang obserbasyon ni Liga ng mga Barangay Presidente ug City Councilor Marlo Tabac atol sa gipahigayong press briefing sa Task Force Basura Special Operation.
Saysay pa ni Tabac nga angayang pakusgan ang education, information advocacy aron nga ma-edukar ang katawhan ug madisiplina kabahin niining problema sa basura.
Gipunting sab ni Tabac nga baynte kwatro katuig na nga nagtunhay ang Republic Act 9003 kon Ecological Solid Waste Management Act ug dapat ang ginaatiman na karon ang waste diversion, apan sa realidad, natanggong pa ang syudad diha sa simpleng pagsegregate sa basura tungod wala kini ginapraktis sa katawhan.
Photo courtesy: City Information Office
