Naghatag og dakong surpresa sa kalibutan sa digital art ug photography ang usa ka insidente diin ang usa ka photographer gidiskwalipika sa usa ka AI art contest dili tungod sa paggamit og artificial intelligence, apan tungod kay tinuod diay ang iyang gipadala nga hulagway sa usa ka flamingo.
Sa usa ka katingad-an nga hitabo, ang hulagway sa photographer unang gideklarar nga mananaog sa kompetisyon. Giingon sa mga hurado nga ang kalidad, kaanindot, ug kapino sa detalye sa hulagway sa flamingo maoy rason nganong gitawag nila kining “dili tinuod nga litrato” ug usa ka talagsaong buhat sa AI art.
Apan, ang tanan nausab dihang gipadayag sa photographer nga 100% tinuod ang iyang litrato ug walay bisan unsang AI intervention ang gigamit. Tungod niini nga paghayag, gipasaka dayon ang diskwalipikasyon sa photographer gikan sa kompetisyon.
Photo courtesy to:Ron Gives
