Nadakpan ug anaa na karon sa kustudiya sa mga awtoridad ang usa ka lalaki nga gituohang miikyas gikan sa Regional Rehabilitation Center for Youth (RRCY) sa Gingoog City, human gihimo ang operasyon sa tracker team sa Iligan City Police Station 2 sa Purok 1B, Barangay Buru-un, Iligan City.
Base sa report gikan sa Iligan City Police Station 2, giila ang suspek nga usa ka Children in Confict with the Law ( CICL). Gidakop ang suspek human sa gipadangat nga sumbong gikan sa nagpakabanang sibilyan tungod nasiplatan kini sa nahisgutang lugar human mi-ikayas sa Rehabilitation Center.
Atol sa pagdakop sa suspek narekober usab sa kapulisan gikan kaniya ang usa (1) ka transparent plastic sachet nga adunay sulod sa gituohang shabu nga gibanabana nga motimbang ug 0.07 grams ug adunay Standard Drug Price nga Php 476.00. Sa kasamtangan gihikay na dugang legal nga proseso batok sa suspek.
Photo courtesy to: Iligan City Police Station 2
