Duha ka personahe sa Police Regional Office 13 ang mipasigarbo sa Caraga human makadaog og duha ka gold ug usa ka silver medal sa Philippine Uniformed Services Sports League 2025 nga gipahigayon sa National Capital Region.
Si Police Captain Dexter R. Bagot, Acting Commander sa 1303rd Maneuver Company, nakadaog og gold medal sa 10-kilometer run ubos sa Police Commissioned Officer category. Samtang si PEMS Edmond P. Argente sa San Jose Municipal Police Station sa Dinagat Islands, misiguro sa gold sa Kata ug silver sa Kumite +80kg sa Karate event.
Gidayeg ni PRO13 Director PBGEN Marcial Mariano P. Magistrado IV ang duha ka atleta sa ilang kaisog ug disiplina nga nagpakita sa espiritu sa serbisyo ug sportsmanship.
PHOTO CREDIT TO:PRO-13
