Gipangunahan sa Provincial Government of Agusan del Sur (PGAS) pinaagi sa Provincial Tourism Office (PTO) ang pormal nga turnover sa bag-ong floating cottage ug birdwatching facilities sa Lake Panlabuhan, Poblacion, Loreto Agusan Del Sur.
Ang inisyatiba nagtinguha sa paglig-on sa Kanimbaylan Bukugon Lumad Agusan Marsh Organization (KABLAMO) aron mas makadani pa og mga eco-tourists ug makahatag og malungtarong panginabuhian pinaagi sa guided birdwatching ug lake-based ecotour activities.
Mitambong sa kalihokan ang mga representante gikan sa PAMO-DENR ug si Punong Barangay Filoteo A. Labadan nga nagrepresentar sa LGU Loreto.
Padayon usab ang ilang paningkamot sa pagpalig-on sa mga lokal nga komunidad samtang nagpasanyog sa responsable ug sustainable tourism sa tibuok Agusan del Sur.
Photo Credit to: Agusan Marsh Wildlife Sanctuary Protected Area Management Office
