Mipahibalo ang Filipina Olympic gold medalist nga si Hidilyn Diaz-Naranjo nga mag tudlo na kini. Sa iyang social media account, niingon siya nga mahimong kabahin siya sa faculty sa University of the Philippines College of Human Kinetics (UP CHK) sunod tuig.
Nakigkita na siya sa mga miyembro sa UP-CHK College Executive Board isip kabahin sa iyang pagpangandam. Niadtong Hulyo, giimbitar siya isip guest speaker sa UP CHK graduation diin iyang gipadayag ang iyang tinguha nga makatudlo.
Gusto niya nga makat-on ug gusto niya nga ang iyang mga estudyante makakat-on gikan kaniya. Siya karon nagtudlo sa mga batan-on sa iyang HD Weightlifting Academy.
Photo Courtesy: philippinenews
