Patay ang usa ka 40-anyos nga lalaki nga taga Tambulig, Zamboanga del Sur human kini gipusil sa wala mailang gunman sa Purok Acasia, Barangay Kauswagan, Aurora, Zamboanga del Sur, kagabie, Oktubre 16, 2025.
Sa inisyal nga imbestigasyon sa Aurora Municipal Police Station, ang biktima nagtindog kilid sa national highway sa lugar sa diha nga kalit niabot ang suspetsado nga nakasuot ug black/white jacket dayon gipusil ang biktima sa makadaghan nga higayon.
Igo pinusilan sa tiyan, wala nga paa, ug sa wala nga tiil ang na-angkon sa biktima nga gidala dayon sa Aurora Infirmary Hospital alang sa dinaliang medikasyon apan gideklara nang dead on arrival sa attending physician.
Na-recover sa mirespondeng PNP personnel ang duha ka slug sa caliber.38 revolver sa mismong crime scene. Samtang ang suspetsado dali usab nga mikalagiw paingon sa Barangay San Vicente, Tambulig, Zamboanga del Sur nga karon padayon pang gipangita sa kapulisan. Gituohang personal nga panagbangi ang nag-unang motibo sa suspetsado sa pagpusil-patay sa biktima.
Photo for illustration credits to:Istock
