Giilog sa militar ang gahum sa Madagascar pagkahuman nga gi-impeach sa mga miyembro sa parlamento si Presidente Andry Rajoelina. Ang hepe sa CAPSAT nga si Col. Michael Randrianirina mipahibalo nga ang militar mao na ang mangulo sa nasod samtang mag-andam kini sa pagpatuman og eleksyon sulod sa duha ka tuig.
Matod pa niya, bungkagon usab sa militar ang mga demokratikong institusyon lakip ang Senado, High Constitutional Court, High Court of Justice, High Council for the Defense of Democracy and the Rule of Law, ug ang Independent National Electoral Commission.
Iyang gipahayag nga apil sa ilang plano nga ilhon ang papel sa mga batan-ong nagprotesta ilawom sa “Gen Z Movement” nga nag-awhag sa kabag-ohan ug kalinaw sa nasod.
Samtang, liboan ka mga sundalo ug katawhan ang nagsaulog sa kadalanan sa kaulohan nga Antananarivo, nag-awit ug nagwarawara sa bandera sa nasod isip pagsuporta sa pagpalagpot ni Presidente Rajoelina.
Ang CAPSAT o Personnel Administration ug Technical and Administrative Services Corps mao ang labing gamhanang yunit militar sa Madagascar.
Photo courtesy to:France 24
