Nakig-alayon ang Department of Education (DepEd) sa Phivolcs sa paghimo og mga desisyon nga base sa siyensya sa pagsuspenso sa klase panahon sa linog o kalamidad. Matod ni Education Secretary Sonny Angara, ang koordinasyon gitumong sa pagsiguro sa kaluwasan sa mga estudyante samtang nagpadayon sa ilang pagtuon.
Kauban ni Phivolcs Director Renato Solidum, ang DepEd motutok sa mga eskwelahan nga nahimutang duol sa fault lines aron mahimo kining earthquake-resistant.
Ang pagtukod og DepEd Command Center giplano usab alang sa mas paspas nga pagmonitor ug pagtubag sa kalamidad, samtang ang mga personahe gibansay sa building safety assessment.
Magtinabangay usab ang DepEd ug Phivolcs sa paghimo og mga advisories nga nakabase sa siyensya aron mabatukan ang sayop nga impormasyon panahon sa mga krisis.
Base sa report sa DepEd-Disaster Risk Reduction and Management Service (DRRMS), 1,140 ka tunghaan sa walo ka rehiyon ang nadaot sa mga linog, o moabot sa 7,575 ka classrooms ug gibanabana nga mokabat sa ₱4 bilyones ang gasto sa pag-ayo.
Labing grabe ang kadaot sa Rehiyon sa Davao, diin ang mga apektadong eskwelahan unang mibalhin sa modular nga pagkat-on samtang ang temporaryo nga mga lawak-klasehanan gitukod.
