Giuyanan sa National Irrigation Administration (NIA) Region 9 ang gika-ingon ni NIA Administrator Guillen nga “Best Flood Control” ang paghimo ug dagko nga mga dams kabahin sa water management sa nasud.
Matod ni NIA 9 Regional Manager Engr. June Nathaniel S. Plaza ang paghimo ug dam dili lang proyektong pang-imprastraktura kini usa usab ka proyekto alang sa mga mag-uuma nga kanunay apektado sa baha.
Gisaysay ni RM Plaza, bisan unsa ka kusog sa ulan ang masinati sa usa ka lugar nga may dagkong Dam nga namontar mahimo na niining mapugngan ang kusog nga bul-og sa tubig ug kini ilang mapaawas sa Dam sa normal nga gikusgon nga dili makaapekto sa kahumayan.
Gani mas advantage pa ang paghimo ug dam sa karon gumikan kay aduna nay software ang NIA nga mahimong mo-predict kon adunay moabutay nga kusog nga ulan duha ka semana adiser masinati.
Gisaysay pa ni RM Plaza, ang dam dili lang makatabang panahon sa ting-ulan apan lakip na sa ting-init gumikan kay ang tubig nga napondo magamit sab aron mapadayon ang irigasyon ug mapatubigan ang mga kahumayan ug uban pang pananom.
