Gikumpirma sa rescue worker niadtong Oktubre 14 nga mokabat na sa 14 ka minero ang namatay sa nahitabong baha tungod sa kusog nga bundak sa ulan sa silangang bahin sa Venezuela.
Base sa report, nasayran nga anaa sa ilalom sa yuta ang mga trabahante sa dihang mikusog ang ulan nga miresulta sa kusog nga baha sa rehiyon sa utlanan sa Guyana ug Brazil.
Tungod sa maong insidente, daling naghatag ug hinabang ang mga ahensya sa gobyerno alang sa mga nabiktima sa baha ingon man nagpahigayon na usab ug operasyon ang mga militar alang sa pagkuha sa mga patayng lawas sa mga minero.
Matod pa ni Elizabeth Zerpa nga ang ilang nasinati usa ka makalilisang nga panghitabo ug mikalas sa kinabuhi sa iyang mga paryente. Samtang gibutyag usab ni Bolivar Governor Yulisbeth Garcia nga ang rescue effort nagpadayon.
Photo courtesy to:APA.az
