Gibida sa North Korea ang ilang bag-ong intercontinental ballistic missile (ICBM) nga Hwasong-20 atol sa usa ka engrandeng military parade niadtong Oktubre 10, 2025, sa Pyongyang. Ang maong kalihukan gibuhat aron sa pagsaulog sa ika-80 nga anibersaryo sa ruling Workers’ Party.
Ang Hwasong-20 maoy giila nga labing kusgan nga missile nga ilang napakita hangtod karon, nga posibleng makalupad og taas nga distansya ug makadala og nuclear warhead. Gawas niini, gipakita usab sa parada ang ubang makabag-ong armas sama sa hypersonic missiles, cruise missiles, suicide drones, ug advanced artillery.
Samtang nagpadayon ang pagpapakita sa kusog militar sa North Korea, gipaabot usab sa Ministry of National Defense of the Republic of Korea nga posible nga nakadawat og teknikal nga tabang ang North Korea, gikan sa Russia aron mapaayo ang ilang kahibalo sa paghimo og submarines nga mahimong maka-lunsad og ballistic missiles.
Gipasabot sa mga eksperto nga ang maong kalamboan nagpalig-on sa arsenal militar sa North Korea, ug posibleng makadugang sa tensyon sa rehiyon.
Gitutukan karon sa mga kaalyadong nasud ang kalihukan aron masiguro ang seguridad sa Northeast Asia.
Photo courtesy to: The International Institute for strategic Studies
