Nakasiguro na usab ang Philippine men’s national football team og 3-1 nga kadaugan batok sa Timor-Leste sa nagpadayon nga AFC Asian Cup Qualifiers nga gipahigayon sa New Clark City sa Tarlac.
Sa kataposang minuto sa unang bahin, ang Timor-Leste nakapuntos og usa ka goal. Pagsulod sa second half, natabla sa Pilipinas ang iskor sa 1-1 pinaagi sa usa ka corner kick sa ika-46 nga minuto sa duwa.
Sa wala pa ang 70 minutos, naka puntos si Bjorn Kristensen sa ikaduhang goal aron mahatagan ang Pilipinas og 2-1 nga labaw. Hangtod nga nakapuntos og laing goal si Jarvey Gayoso sa kataposang nahabiling minuto sa duwa.
Gisuwayan pa paggukod sa Timor-Leste ang iskor, apan wala kini maka lusot sa gipakitang lig-on nga depensa sa Pilipinas. Sa kadaugan, ang Pilipinas nagpabilin nga nag-una sa Group A nga adunay 10 puntos. Ang sunod nga duwa sa Pilipinas sa Maldives karong Nobiyembre 18.
Photo credits to: ABS-CBN
