Mipadangat si French President Emmanuel Macron sa bag-ong lineup sa iyang gabinete niadtong Domingo aron mapugngan ang mas lalom nga pulitikanhong krisis sa France.
Ang bag-ong grupo, nga naglangkob sa mga karaan ug bag-ong opisyal, mao na ang ikaduhang paningkamot ni Prime Minister Sebastien Lecornu nga makaporma og team nga makatabang makapasar sa national budget bisan pa nga walay klarong mayoriya sa Kongreso.
Sa listahan nga gipagawas sa Elysee Palace, nagpabilin si Jean-Noel Barrot isip foreign minister samtang si Catherine Vautrin, kaniadto labor minister, gitudlo nga bag-ong defense minister. Si Roland Lescure ang mamahala sa economic affairs, nga adunay prioridad sa pag-apruba sa budget sa sunod tuig.
Si Paris police chief Laurent Nunez maoy bag-ong interior minister, ug si Monique Barbut, kanhi direktor sa World Wide Fund for Nature (WWF), maoy mamuno sa environmental transition ministry.
Naggunit gihapon sa pwesto si Justice Minister Gerald Darmanin ug si Culture Minister Rachida Dati, bisan pa nga atubang siya sa kaso sa korapsyon karong umaabot nga tuig
SOURCE: APNEWS
