Hingpit na nga balaod ang libreng lubong sa mga kabus human nahimong balaod ang Republic Act No. 12309 o ang Free Funeral Services Act.
Ubos sa bag-ong balaod, ang mga pamilya nga gikonsiderar nga “in crisis situation,” apil na ang mga kabus ug biktima sa kalamidad, makadawat og libreng serbisyo sa lubong sa tabang sa Department of Social Welfare and Development (DSWD).
Ang gobyerno maoy mo-cover sa tanang galastohan, gikan sa pagproseso sa mga papeles, embalsamar, cremation o inurnment, hangtod sa lungon
Nasayran nga sa wala pa kini mapatuman, ang DSWD mihatag lamang og ₱5,000 ngadto sa ₱50,000 nga tabang ubos sa Assistance to Individuals in Crisis Situations (AICS) program.
Aron makakuha ug libre nga lubong, kinahanglang mosumite ug death certificate, valid ID, funeral contract, ug social case study report gikan sa social worker.
Ang DSWD direktang mobayad sa mga accredited nga punerarya. Samtang posibleng mapriso hanggang unom kabulan og pamultahon hangtod sa ₱500,000 ang mga magpalsipika sa mga dokumento o abusuhon ang programa .
Photo courtesy to: PNA
