Gitugyan na sa Hamas ang 13 ka mga hostages ngadto sa Red Cross Officials sumala sa pamahayag sa Israeli Military kinsa nagsilbing bantay sa pagtransport ngadto sa Israel.
Kahinumduman una nang gipagawas sa Hamas ang pito ka mga hostages isip kabahin sa Ceasefire sulod sa duha ka tuig nga gyera sa Gaza Strip, nga mikalas sa liboan ka mga Palestinians.
Sumala pa ang pito gilaumang makauban sa ilang pamilya og mupailalom sa medical check-up sa Israel. Samtang ang Red Cross nagpadulong sa Southern Gaza kinsa gilaumang mo atiman sa ikaduhang grupo sa mga hostage sumala sa Israeli military.
Gidugang pa sa ahensya halos anaa sa 20 ka mga hostages ang gilauman nga mapagawas lakip sa 1,900 ka mga Palestinian prisoners, samtang ang patayang lawas sa 28 ka mga hostages gilaumang i-turn over isip kabahin sa deal.
Photo Courtesy: Associated Press
